 |
| نهج سيدي صابر، المدينة |
مصابها الدنيا الكل جات دوران على الساقين, ساك فوق الظهر ومصورة في اليد..
نعشق الدوران في المدينة متاع تونس, نبدى نمشي ونتخيل وراء كل باب ازرق حكاية ونسمع وراء كل باب اصفر غناية..
عمرك ما تقلق في زناقي المدينة, ديما عندك ما ترى وديمة عندك ما تسمع.. هاو حجام حاطط ام كلثوم, هاو صبابطي يسمع في بابا الهادي (الهادي الجويني اللي يقلك). وانت ماشي تعرضك ريحة الفريكاسيه والبريك (اللهم صلي ع النبي بنًة على بنَة).
 |
| سوق الشواشية الكبير |
وتزيد تقدم تلقى التلامذة يلعبوا بنات على اولاد قدام مدرسة بير الاحجار عاملين حلقات حلقات: غميضة، 1 2 3 سامبا...
وكل ما يكبرو في العمر كل ما تتبدل الانشطة متاعهم: تنجم تلقى في بطحة التريبونال بنات واولاد يغنيو ويضربو على القيتار، تقدم خطوتين تلقى مجموعة اخرى يقولو في الشعر.. من الحاجات الباهية اللي صارت في المدينة في السنين الاخرة هي لمات "كلام الشارع" (نشالله يرجعو بانشطة اخرى على قريب).
وكل ما يكبرو في العمر كل ما تتبدل الانشطة متاعهم: تنجم تلقى في بطحة التريبونال بنات واولاد يغنيو ويضربو على القيتار، تقدم خطوتين تلقى مجموعة اخرى يقولو في الشعر.. من الحاجات الباهية اللي صارت في المدينة في السنين الاخرة هي لمات "كلام الشارع" (نشالله يرجعو بانشطة اخرى على قريب).
اذا تعبت من الدوران، برة رتح فخار ربي في الشواشين، عليك بقهيوة عربي فيها نكيتة زهر على انغام سيدي علي الرياحي...
 |
| قهيوة عربي فيها نكيتة زهر |
والحلمة ماتوفاش..
